Lyrics Ashaar Wiladat Mola Ali (a.s) 13 Rajab

🌹🕊🌹🕊🌹🕊🌹🕊🌹🕊

•••• BISHMILLAH HIR RAHMAN NIR RAHEEM ••••

🌹🕊🌹🕊🌹🕊🌹🕊🌹🕊

Quraan Ki Zabaan Pe Midhat Ali Ki Hai...
Bahar Bashar Ki Fiqr Se Azmat Ali Ki Hai...

🌹🕊🌹🕊🌹🕊🌹🕊🌹🕊

Binte Asad Ki Goad Me Haider Ko Dekh Kar..
Sharma Raha Hai Chand Wo Surat Ali Ki Hai..

🌹🕊🌹🕊🌹🕊🌹🕊🌹🕊

Bhukha Na Ek Raat Bhi Soya Koi Bashar..
Wahid Jahañ Me Aisi Hukumat Ali Ki Hai..

🌹🕊🌹🕊🌹🕊🌹🕊🌹🕊

Gaazi Ka Hamla Dekh Ke Quffaar Keh Uthe..
Shere Jari Ke Haath Me Qu'wat Ali Ki Hai...

🌹🕊🌹🕊🌹🕊🌹🕊🌹🕊

Khaibar Me Mustafa Ne Khud Ailaan Kar Diya...

Har Daur Me Nabi Ko Zarurat Ali Ki Hai...

🌹🕊🌹🕊🌹🕊🌹🕊🌹🕊

Karta Nahi Wo Parcham E Gaazi Ka Samna...

Jiske Dilo Dimaag Pe Haibat Ali Ki Hai...

🌹🕊🌹🕊🌹🕊🌹🕊🌹🕊

Waqt-E-Naza Ye Soch Ke Mai Aur Khush Huaa...

Honi Lahed Me Aaj Ziyarat Ali Ki Hai...

🌹🕊🌹🕊🌹🕊🌹🕊🌹🕊

Ghabra Ke Bola Dasht Me Asghar Se Hurmula...

6 Maah Ke Sagheer Me Himmat Ali Ki Hai...

🌹🕊🌹🕊🌹🕊🌹🕊🌹🕊

Kaabe Ka Fir Tawaaf Kyuñ Karte Ho Shaikh Jii...
Labrez Dil Me Bugzo Adawat Ali ki Hai...

🌹🕊🌹🕊🌹🕊🌹🕊🌹🕊

Baite Khuda Ki Jhoom Ke Har Eet Kah Uthi...

Ghar Me Khuda Ke Aaj Wiladat Ali Ki Hai...

🌹🕊🌹🕊🌹🕊🌹🕊🌹🕊

13 Rajab Ko Bola Ye Mohsin Khuda Ka Ghar...

Azmat Mili Ye Mujhko Badaulat Ali Ki Hai...

🌹🕊🌹🕊🌹🕊🌹🕊🌹🕊

Az_Qalam_Mohsin_Banarsi.!

🌹🕊🌹🕊🌹🕊🌹🕊🌹🕊

SadatTv