Noha Lyrics Haye Naqi Maula a.s By Sahil Jaunpuri

on
MASUM Ke Kaandho'n Pe Janaza hai NAQI ka,
Khoo'n Rota Hai Jo Chaahne Waala Hai NAQI Ka
Pardes Me'n Dhaaya Gaya WO KABAE IMAA'N
Duba hua is Dard Me'n Kunba hai NAQI ka,
Phir ujde hai'n Saadat Qayamat ka hai Manzar,
Ab Sar Pa Kisi Ke Kaha'n Saaya hai NAQI ka
Hai'n Mehwe Buka Zer e Lahad AHMAD O HAIDAR,
Aur lab Pe MASHIYYAT Ke Bhi Nauha hai NAQI ka
Ummat se yu'n phir Binte PAYAMBAR hai'n Sawali,
Kya Dard Hai Kyu'n Chehra Ye Neela hai NAQI ka
Sar peet te aaye hai'n Sabhi saakin  e Jannat
Gham Arsh e Mualla pa bhi chhaya hai NAQI ka
Dil Chaak Jigar Chaak Hai is Gham ki Sina'n se
ZAHRA se to puchche koi Gham Kya hai NAQI ka
Kaise Na Andhero'n me'n Jahaa'n Gharq ho saara
Haye Noor hi Duniya se Jab Uth ta  hai NAQI ka,
Sab Khaak basar Nauha kuna Ahle 'Wila' hai'n
Masroof e Aza saara Zamana hai Naqi ka...
- Wila Hallauri -
Video Link 
👇👇👇👇👇

Comments

Post a Comment