Imam E Baqir a.s.w
Hamraaze khuda wajhe Ali(as)jaane nabi(sawa) hai
Nana hai hasan(as) dada husain ibne Ali(as) hai
🎂
Aagosh me is waqt hai jo binte hasan(as) ki
Ye panchnwa rehbar hai zamane ka wali hai
🎂
Aaya hai Ali(as) panchnwa phir baite Ali(as) me
Yu doobi huyi noor me yasrab ki gali hai
Hai pehli rajab or hai baqir(as) ki bhi aamad
Is waste jannat me bohot dhoom machi hai
🎂
Mil jayega ab tohfa use zahra(sa) ke ghr se
Masti me bohot baadey saba jhoom rahi hai
🎂
Kya apki tauseef baya hogi bashar se
Ausaaf batane ke liye rabbe jali hai
🎂
Mushkil me madad kijiye akar meri maula
Halat hai ajab or musibat ki ghadi hai
🎂
Ashaar ke kehne ka jo aaya hai saleqaaa
Khairaaat haya! ko ye tere dar se mili hai
Haya✍Fatemah
Mahe rajabul murajjab mubarak🎂
Comments
Post a Comment