Lyrics Haye Ali Maare Gaye

Nauha  e Jibreel goonja haye ALI maare gaye
Kyu'n na ho ik Hashr barpa haye ALI maare gaye

1- Ab yatimi saayebaa'n hai SHABBAR O SHABBIR par
Zakhm kaari hai ye Qalb e ZAINAB  E DILGIR par
Khu'n fisha'n hai Chashm e ZAHRA  haye ALI maare gaye

2- MURSAL E HAQ khaak udaate aaye  turbat chhord kar
Kul malayek arsh  se aaye Zamin par nauhagar
Chain khota hai Zamana haye ALI maare gaye

3- Khoon e Dil KULSUM ka hai deeda e Hassas me'n
Dard Ka toofa'n utha hai ik dil e ABBAS me'n
Marsiya karti hai'n FIZZA haye ALI maare gaye

4- Sar do paara jo hua KHAIRUL WARA ka Momino'n
Tar hua tab Khoon me'n Chehra KHUDA ka Momino'n
Hil raha hai arshe A'ala haye ALI maare gaye

5- Kaa'npte haatho'n se pehnaya kafan HASNAIN Ne
Ro Pade Kul AMBIYA Nauha Kiya kaunain Ne
Jaa'n bà lab hai Shehre Kufa haye ALI maare gaye

6- Zaahiri Rukhsat Huwi Yu'n HAIDAR E KARRAR Ki
Khoo'n Maka'n Roya Bandhi Hichki dar o diwar Ki
Sogwaro'n ka hai Naala haye ALI maare gaye

7- Har taraf chhaya Andhera Roshni khamosh hai
Kar rahi hai Maut nauha zindagi khamosh hai
Bain hai AHLE "WILA" ka haye ALI maare gaye

SadatTv