Mazloome Karbala Tera Matam Na Kar Sake Noha Lyrics

Matla

Mazloome karbala tera matam na kar sake

Jis tarha haq tha waise tera gham na kar sake

1- Is saal sabr krke kiya ghar me shaih ka gham 

Lekin har ek sans ye khati rahi qasam

Mar jayenge Jo khulke moharram na kar sake

2- Dil khol kar Husain pa girya nhi kia 

Aati hai hamko fatema zehra se yu haya 

Apna lahu Husain ka marham Na kar sake

3- Bacche ye keh rahe hen sabeeleen lagayenge 

Har zayare Husain ko pani pilaayenge 

Agle Baras krenge Jo ab ham na kar sake

4- Parcham utha na paye tere taziye ke sath

Matam bhi khul ke kar nhi paye ye dono hath

Jee khol kar in aankhon ko Purnam na kar sake

5- Jeene ka fayeda nhi sanse hen be asar 

Seene me dard uthne laga hai ye sochkr 

Is saal karbala ka safar ham na kar sake

6- Farshe aza se hamne nibhayi sada wafa

Baccho ko hamne bech ke ki majlise aza 

Ghurbat ke dar se gham ye kabhi kam na kar sake

7- Aati hai baar baar labo per yehi dua 

Allah sab wo agle Baras jaye karbala 

Jo rozaye Husain pa sar kham na kar sake

8- Name Husain sunte he aansu nikal pade 

Majlis kahi huyi to usi samt chal pade 

Seene me dard jo tha use kam na kar sake

9- Sab nauhakhwan zakire sarwar ye matami

Afsos kr rahe hen isi bat per sabhi 

Maula muaaf karna moharram na kar sake

10- Zinda rahe to gham ye manayenge phir ghulaam 

Warna hamari samt se hai aakhiri Salam

Nadim rahenge kyu tera matam na kar sake

Maqta..

ABBAS " sach hai fatwo ki be had chali hawa 

Jafar " Hasan " they ghaat me sab dushmane aza

Ashke ghame Husain ko be dam na kar Sake

About Noha:-

Recited By - Jafar & Hassan

Poetry - Abbas Sirsivi

Lyrics By - Sadat Tv Network - STN