آنسو ~ Aansu

آنسو

معجزہ یہ بہی زمانے کو دیکھائے آنسو                              جو زباں کہہ نہ سکے وہ بہی بتائے آنسو

 قرض ہے اجر رسالت جو چکائے آنسو                                  ہم نے شبیر کو چاہا ہے تو پائے آنسو

جب غم شہہ کے سمندر میں نہائے آنسو                             پاک رومال میں زهرا کے تب آئے آنسو

 آنکھ سے نکلے تو رومال میں آئے آنسو                               مڑ کے دیکها تو وہ موتی تهے بجائے آنسو

اے حسین اتنا تو ساون بھی نہیں برسا هے               

 جتنے دنیا نے تر ے غم میں بہائے آنسو

وہ تو رومال نے زهرا کے سنبهالا انکو                                ورنہ اتنے تهے کہیں بهی نہ سمائے آنسو

ہر جگہ اٹھنے لگی فصل عزاداری کی             

پیاس نے خشک زمینوں میں اگائے آ نسو

 صبر نے ظلم کے دربار میں اعلان کے ساتھ                          شہر خوشیوں کا اجاڑا تو بسائے آنسو

 یہ تو پوچهو کسی مظلوم سے یا ظالم سے                          کہیں مرہم تو کهیں آگ لگائے آنسو

جب بهی آقاؤں کے روضوں پہ گئے انکے غلام                      پہول ہاتهوں نے تو آنکهوں نے چڑہائے آنسو

نعمتیں سامنے رکهیں تهیں زمانےکی مگر                               اس خزانے سے فقط ہم نے اٹہائے آنسو

در پہ جنت کے جو پہونچے تو کسی نے یہ کہا                         بس  وہی آئے یہاں ساتھ جو لائے آنسو

 اے خدا بخش دے انکو غم سرور کے طفیل                      جن کے دامن میں نہیں کچھ بهی سوائے آنسو

نام شبیر کا ہونٹوں سے میرے سن کے نظیر                           دل نے جب خوں ابالا تو  بنائے آنسو

              میر نظیر باقری