مت لائیے زبان پہ ہر گز کسی کی بات
بس کیجئے امامِ محمد تقیؑ کی بات
بابا علیؑ ہے اس کا، محمدؐ ہے اس کا نام
اس کی ہر ایک بات نبیؐ کی علیؑ کی بات
آغوش میں علیؑ کی محمدؐ کو دیکھئے
اب اور کیا کرے کوئی جلوہ گری کی بات
معبودِ ذوالجلال سے پایا لقب جوادؑ
جود و سخا کی بات ہے میرے تقیؑ کی بات
خاکِ درِ تقیؑ ہے ہر اک درد کی دوا
کیوں چارہ ساز کرتے ہیں چارہ گری کی بات
ہے کتنا خوش نصیب مصدق ترا قلم
برسوں سے لکھ رہا ہے یہ آلِ نبیؐ کی بات
شاعر اہلبیت: جناب مصدق لاکھانی صاحب
Comments
Post a Comment