Aa Gaya Mahe Aza Noha Lyrics - Ali Akbar Ameen - 2022 Noha

Aa Gaya Mahe Aza

Ya Hussain Ya Hussain

Hum Azadaro Pe Ye Allaha Ka Ehsaan Hai

Phir Se Wo Din Agaya Jiss Din Pe Jaan Qurban Hai

Muntazir Hum Saal Bhar Jiske Thy Wo Ghum Agaya

Hain Azadaro Ki Ankhe Nam Muharram Agaya

Aagaye Mahe Aza Seene Me Dil Rone laga

Hai Nigaho Me Basi (2) Har Waqt Bass Karbobla

Aagaye Mahe Aza Seene Me Dil Rone laga

Jis Ghadi Nikla Shahe Karbala Ke Ghum Ka Chand

Dekh Kar Rone Lage Ahle Aza Matam Ka Chand

Dil Se Nikli Ya Hussaina (2) Ki sada Besaakhta

Aagaye Mahe Aza Seene Me Dil Rone laga

Har Shehar Har Gau Me Dikhne Lage Kaale Libaas

Dil Azadaro Ka Tadpane Lagi Matam Ki Aas

Jo Watan Se Door Thy (2) Sabne Watan Ka Rukh Kiya

Aagaye Mahe Aza Seene Me Dil Rone laga

Phir Azakhane Saja Kar Roo Rahe Hain Matmi

Farsh Majlis Ka Bicha Ka Roo Rahe Hain Matmi

Padh Rahe Hain Fatima Ke (2) Laal Ka Sab Marsiya

Aagaye Mahe Aza Seene Me Dil Rone laga

Deke Baccho Ko Muharram Me Sadayen Raat Din

Goudh Ke Paalo Se Ye Kehti Hain Maa'en Raat Din

Doodh Ka Haq Farshe Ghum Pe (2) Jaake Kardena Aada

Aagaye Mahe Aza Seene Me Dil Rone laga

Honge Phir Qismat Se Hum Shahe Zaman Ke Mezbaan

Phir Banenge Karbala Wale Hamare Mehmaan

Denge Khidmat Ka Hume (2) Mouqa Janabe Sayeda 

Aagaye Mahe Aza Seene Me Dil Rone laga

Phir Juluso Me Karenge Zikr Hum Abbas Ka

Phir Nazar Ayega Lehrata Aalam Abbas Ka

Hum Chalenge Lekr Phir (2) Shahe Zaman Ka Taziya

Aagaye Mahe Aza Seene Me Dil Rone laga

Do Baras Dil Khool Kar Matam Nhi Kar Paye Hum

Haye Jee Bhar Ke Mana Paye Na Hum Pyaso Ka Ghum

Hogai Thi Humse Jaane (2) Kab Kahan Kesi Khata

Aagaye Mahe Aza Seene Me Dil Rone laga

Hogaye Jo Maatmi Duniya Se Rukhsat Ayen Khuda

Qabr Me Unki Bana Dena Ek Aysi Karbala

Ho Jahan Din Raat Matam (2) Fatima Ke Laal Ka

Aagaye Mahe Aza Seene Me Dil Rone laga

Juz Ghame Sarwar Ke Kisi Ghum Se Na Kbhi Choor Ho

Ayen Khuda Farshe Aza Se Hum Kabhi Na Door Ho

Mangte Hain Dil Se Waiz (2) Or Akbar Ye Dua

Aagaye Mahe Aza Seene Me Dil Rone laga