Lyrics...!!
Namaz padhte he ahle wila musalle per
Khuda ko fatema zehra ka wasta dekar
👇🏻
Matla
Dua karo ke azadar ... kheriat se rahen
Sabhi Husain ke ghamkhwar ... Kheriat se rahen
Tujhe hai fatema sughra ka wasta ya rab
Jo hen mareez unhe bakhsh de. Shifa ya rab
Be haqqe abide beemar... Kheriat se rahen
Kisi bhi mulk me hon ya kisi dayar me hon
Hamesha chadare tatheer ke Hisar me hon
Ghulame haidare karrar .. kheriat se rahen
Alam uthaye jo dekha unhe hazeena ne
Utha ke hatho ko di hai dua sakeena ne
Mere chchaa ke alamdar... Kheriat se rahen
Jo aake karte hen halqe me matame sarwar
To un jawano ko firdos se Ali Akbar
Duwayen dete hen har baar ... Kheriat se rahen
Na raste me thakan ho na kuch pareshani
Rakhen wo rozaye sarwar pe Jake peshani
Tamam Shah ke zawwar .. kheriat se rahen
Naqabe ghaib hate Noor ki Adalat ho
Ali ke bete ki ab jald he hukumat ho
Ghareebo bekaso lachar... Kheriat se rahen
Jaha me jitne bhi abbas ke hen shedayi
Galen khushi se milen apne bhai se bhai
Gira ke bughz ki deewar ... Kheriat se rahen
Wo waqt aaye ke daure jadeed ke haami
Musibato me rahen sab yazeed ke haami
Hamesha aashiqe mukhtaar ... Kheriat se rahen
Husain bole sakina se mere jaane tak
Dua yehi ke maqtal se qaid khane tak
Tumhare dono he rukhsaar ... Kheriat se rahen
Maqta ..
Ajal se MUSAO ABBAS kab wo darte hen
Tabarra qatile mohsin pa Jo bhi krte hen
Wo fatema ke namak khwar .. kheriat se rahen
Comments
Post a Comment