10 Muharram Noha Lyrics 2023 | Shimr Ka Khanjar Chalne Wala Hai Noha Lyrics| Shabih Abbas Arfi Nohay 2023

Lyrics:-

Haye Qayamat ka hai ye manzar

Shimr ka khanjar chalne wala hai

Dasht main ek pyase ki gardan par

Shimr ka khanjar chalne wala hai

Karbobala main Peet Rahi hain sar Zahra

Hai ram main dukhiyari madar ka noha

Mera baccha teen dino se hai pyasa

Khoon main dooba hai mere Dil ka tukda

Barpa hai ashoot ye mehshar

Waqt Qayamat ka aya hai zainab par

Haye Ghazab pardesh main hai binte haider

Dekh Rahi hai shimr ke hatho me khanjar

Peet ke apna sar ja kar ek teele par

Kehti hai abbas se ro ro kar

Haye ye kis manzil per qismat layi hai

Na koi beta na koi bhai hai

Dekh Rahi hai jis janib tanhayi hai

Dasht e ghurbat hai Zahra ki jayi hai

Zalim hai bhai ke seene par

Dekh ke aada ko ghabrati hai zainab

Khoon ke aansu aaj bahatai hai zainab

Maqtal main awaz lagati hai zainab

Ghazi ko dariya se bulati hai zainab

Kehti hai aaja shere haider

Pehle ja kar patthar se takrata hai

Phir ye sitam be dard sitamgar dhata hai

Shimr hawa main khanjar ko lehrata hai

Char baras ki bacchi ko dikhlata hai

Mar na Dale bacchi ko ye dar

Lut jayegi aaj sakina ki duniya

Aaj yateemi se jud jayega rishta

Ab na mayassar hoga baba ka seena

Dhundegi din raat padar ko ab dukhiya

Ab kat jayega baba ka sar

Matamdaro aaj Qayamat ka din hai

Aale Ahmad par ye afat ka din hai

Aye waiz pyason ki sahahadat ka din hai

Zainab aur kulsoom PE ghurbat ka din hai

Chhin jayegi ab sabki chadar

Shmir Ka Khanjar Chalne Wala Hai

Khanjar e shimr chala or qayamat ayi

Gir gyi peet ke sar khaak pe zahra jaayi

Ho gaye zibha shahe karbobalai ran me

Lut gaye fatema zahra ki kamai ran me

Gul hua mara gya fatema zahra ka pisar

Yak ba dod pada khemo ki janib lashkar

Koi kehta ke khemo ko jala do badhkar

Hai kisi ki ye sada loot lo maal o zewar

Koi kehta hai in sab ki ridaye chhino

Badh ke sarwar ki yateema ko tamache maaro

Jis ghadi sayyade sajjad ne ye shor suna

Ya ali keh ke jigar thaam ke beemar uthaa

Di sada kaisi qayamat hai bataye koi

Badhnke parda dare kheme se hataye koi

Jab hata kheme ka parda to ajab manzar tha

Ek maloon ke neze pr sare sarwar tha

Baap ko betr ne jis dam sare neza dekha

Gham ke khanjar se jigar ho gya para para

Gir pade khaak pe sajjad ye jumala keh kar

Mujh se pardes me bichhda mera mazloom pisar

Be raidaee ka aseeri ka zamana aya

Hay ghurbat me yateemi ka zamana aya